އެންޒައިމްސް

އެންޒައިމްސްއަކީ މުޅިންހެން ޕްރޮޓީންގެ ގޮތުގައި ހުންނަ މޮލެކިއުލްސްއަށް ކިޔޭ ނަމެކެވެ. އެންޒައިމްސްއިން ދިރޭ އެއްޗެއްސަށް ކުރިމަތިވާ ކެމިކަލް ރިއެކްޝަންތަކުގެ ހަލުވިމިނަށް ބަދަލުގެނުވައެވެ.

އިންސާނާގެ ހަށިގަނޑުގެ ތެރޭގައި އެތަކެއް ހާސް އެންޒައިމްސްއެއް ހުންނައިރު، އެންޒައިމްސްއާ ނުލާ ހަށިގަނޑުގެ މަސައްކަތްތަކަށް ހުއްޓުން އާދެއެވެ. އަހަރުމެން ކާ އެއްޗެއް ކައި ނިމުމުން އެންޒައިމްގެ ކޮމްޕްލެކްސް ސީރީސްއަކުން ހަށިގަނޑަށް އެތެރެވި ކާ އެއްޗެހި އާދައިގެ މޮލެކިއުލްތަކަކަށް ކުޑަ ކުރުމުގެ މަސައްކަތް ފަށައެވެ. މި މޮލެކިއުލްތަކަކީ ލޭގެ ތެރެއަށް އެކުވާ މޮލެކިއުލްތަކެކެވެ.

ބައެއް އެންޒައިމްސް އޭގެ މަސައްކަތް އަދާކުރުމަށް ކޯއެންޒައިމްސް ނަމަކަށް ކިޔާ އިތުރު ސަބްސްޓެންސްއެއް ބޭނުންވެއެވެ. ކޯއެންޒައިމްސްގެ ތެރޭގައި ގިނަ ވާނީ ވައިޓަމިންސްއެވެ. އެންޒައިމްގެ ގިނަ ބާވަތްތަކަކީ އޭގެ ނަމުގެ ފަހަތައް “އޭޒް” އަންނަ ބާވަތްތަކެކެވެ. މީގެ ތެރޭގައި ލައިގޭޒް، ޕްރޮޓިއޭޒް، އަދި ލައިޕޭޒް ހިމެނެއެވެ.

އެންޒައިމްސްގެ އެކި ބާވަތްތަކުން ހަށިގަނޑުގެ ތެރޭގައި އަދާކުރަނީ އެކި ދައުރުތަކެވެ. މިގޮތުން ޕޭސްމޭކަރ އެންޒައިމްސްއަކީ ހަށިގަނޑުގެ މެޓަބޮލިޒަމް ހިފެހެއްޓުމުގައި ނުހަނު މުހިއްމު ދައުރެއް އަދާކުރާ އެއްޗެކެވެ. މެޓަބޮލިޒަމްއަކީ ހަށިގަނޑުން ހަކަތަ ބޭނުންކުރާ ނިސްބަތައް ކިޔާއުޅޭ ނަމެކެވެ. ހަމައެއާއެކު، އެންޒައިމްސްގެ ބާވަތްތަކުގެ ތެރެއިން ހަށިގަނޑުގެ ތެރޭގައި ވަރަށް މުހިއްމު ދައުރެއް އަދާކުރާ ބާވަތެއް ކަމުގައި “މެސެންޖަރ އާރުއެންއޭ” ހިމެނެއެވެ. މެސެންޖަރ އާރުއެންއޭއަކީ ބޮޑީ ސެލްސްގައި އެކުލެވޭ ނިއުކްލެއިއިން ކޮމިއުނިކޭޓަރސް ގޮތުގައި ބޭނުންކުރާ އެއްޗެކެވެ.

އާންމުކޮށް އެންޒައިމްސްގެ ގިނަ ބާވަތްތަކަކީ ކާ އެއްޗެހި ހަޖަމުކުރުމަށް ކޮންމެހެން ބޭނުންވާ ބާވަތްތަކެކެވެ. ކާ އެއްޗެހި ހަޖަމުކުރުމަށް ބޭނުންވާ އެންޒައިމްސްގެ ބާވަތްތަކުގެ ތެރޭގައި ލައިޕޭޒް، ޕްރޮޓިއޭޒް، އެމުލޭޒް، އަދި ޕެޕްޓިޑޭސަސް ހިމެނެއެވެ. މީގެތެރެއިން ގިނަ ބާވަތްތަކަކީ ޕެންކްރިއަސްގެ ތެރޭގައި އުފެދޭ ބާވަތްތަކެވެ.

މި ބާވަތްތަކުގެ ތެރެއިން ލައިޕޭޒްއަކީ ޕެންކްރިއަސްއިން އޮލިމެންޓަރީ ކެނަލްއަށް، ސަރުބީ ބައިބައިކުރުމަށް ފޮނުވާލެވޭ ބާވަތެކެވެ. ހަމައެއާއެކު އެމުލޭޒްއަކީ ގޮދަނުގައި ނުވަތަ މޭވާގައި އެކުލެވޭ ސްޓާޗް، ސިމްޕަލް ޝުގަރސްއަށް ބަދަލުކޮށްދޭ ބާވަތެކެވެ. އިންސާނާގެ ބަނޑުތެރޭގައާއި ކުޅުގައިވެސް އެމުލޭޒް އެކުލެވިގެންވެއެވެ.